rss
twitter
    Find out what I'm doing, Follow Me :)

Monday, January 23, 2012

கலாம் வந்தார் கவிதை சொன்னார்...


முன்னாள் இந்திய ஜனாதிபதி (குடியரசுத்தலைவர்) மேதகு அப்துல் கலாம் யாழ்ப்பாணம் வாறார் எண்டதும் பல எதிர்பார்ப்புகள், ஆர்வம் அதிகமானது. பாடசாலையின் இயற்கை அவதானிப்புக்கழக நிறுவுனர் என்ற வகையில் எனக்கும் பாடசாலை மூலம் அழைப்பு கிடைத்தது. சரி போவம் என்று யாழ் இந்துக்கல்லூரிக்கு 1.30 சென்றடைந்தோம். பலத்த பாதுகாப்பு. பொலிசாரின் தடவல் சோதனைகளை கடந்து உள்ளே சென்றால் ஏன்ரா போனோம் என்ற எண்ணம் வந்ததுதான் உண்மை. ஏனென்றால் அந்தளவுக்கு யாழ் இந்து மாணவர்கள் இடம்பிடித்து வைத்திருந்தார்கள். எமக்கு சொல்லப்பட்டது ஒவ்வொரு பாடசாலையிலிருந்தும் 5 மாணவர்களும் 2 ஆசிரியர்களும் வரவேண்டும் என்பதே. அதிலும் இயற்கை அவதானிப்பு கழகத்திற்கு ஸ்பெசல் பேர்மிசன் வேறு. அப்படி இருக்க இவ்வளவு கூட்டம் வந்திருக்கதேவையில்லையே என்ற ஆதங்கத்துடன் உட்சென்றதும் பின்னால போ பின்னால போ என்று ஆசிரியரின் விரட்டலால் பின்னோக்கி சென்றோம். (கலாம் எல்லோரும் முன்னேற வேண்டும் என்றார். இவர் பின்னுக்கு போ என்றார்.. ரொம்ப வித்தியாசம் தான்..) கடைசி வரிசையில் கடைசி கதிரைல ஒக்காந்திருந்தது நான் தான். பிறகு நம்ம குள்ளநரி புத்தி வேலை செய்து நடுவில் இடம்பிடித்தது வேறு கதை. சரி 2.55 க்கு விழா தொடங்கும் என்றார்கள். 3.35 க்கு கலாம் உள்ளே வந்தார். 

சரி சும்மா பாராட்டினா போதும் தானே. ஒரு தமிழன் முன்னுக்கு வந்து நல்லுதாரணமாய் இருந்தது பெருமைதான். ஆனால் அதுக்காக இவ்வளவு புகழ்ச்சி கூடாது. ( இந்தியா மக்களே இந்த புகழ்ச்சியை கண்ணெதிரே காட்டுவதானால் கருணாநிதிக்கு நிகழ்ந்த பாராட்டு விழாக்களை பார்த்தீர்களானால் தெரியும். அதே போல் இங்கும் புகழ்ந்து தள்ளினார்கள். ) இந்தளவும் மங்கல விளக்கேற்றும் முன். சரி போனா போகட்டும் என்று பார்த்தால் மேடையேறி எல்லோரும் அமர்ந்த பின்னும் மீண்டும் ஆரம்பித்தார்கள்.. என்ன கொடுமையோ இப்பிடி மாட்டீட்டன் என்று நொந்துகொண்டு பார்த்துக்கொண்டிருந்தேன். வழக்கமான பாராட்டு, கௌரவிப்பு முடிந்து கலாம் பேச ஆரம்பித்தார். விவேகானந்தர் சகோதர சகோதரிகளே என்று பேச ஆரம்பிப்பது போல் கலாம் நண்பர்களே என்று ஆரம்பித்தது நல்ல தொடக்கம். (அப்ப பெண்களை விட்டுவிட்டீர்களா கலாம் சார்.?? நண்பிகளே என்றும் சொல்லியிருக் கலாம். அட இங்கயும் கலாம் தானா??)

எது எப்படியோ.. நல்ல பேச்சு.. கனவு காணுங்கள், வாழ்க்கையில் வெற்றி பெற போன்ற விடயங்களை பற்றி சொன்னார். அதில் 5 கவிதைகள் படித்தார். அதோடு எம்மையும் சேர்ந்து படிக்க சொன்னார். மேலும் மாணவர்களில் 6 பேரை அழைத்து அவர்களின் கேள்விகளுக்கு பதிலும் கூறினார். 4.30 மணிக்கு கூட்டம் முடிவடைந்தது.

எல்லாம் சரி. கலாம் வந்ததன் உண்மையான நோக்கம் என்ன என்று தெரியவில்லை.
.
.
 தமிழ்10  - தமிழ் செய்திகள் , இணைய வானொலிகள் , தொழில்நுட்பம் ,  இன்னும் நிறைய ......

0 comments: