rss
twitter
    Find out what I'm doing, Follow Me :)

Tuesday, October 25, 2011

வில்லுப்பாட்டு செய்வமா??

வணக்கம். எப்பிடி இருக்கிறீங்க. இப்ப ஒரு வில்லுப்பாட்டு பாடலை பார்ப்போமா?

------------------------------------------------------------------------
நல்லூர் கந்தனின் திருவிழா காலத்தில தினமும் கந்தையா கோயிலுக்கு வருவார். அண்டைக்கு தேர்த்திருவிழா. மேற்கு வீதி. அங்க ஒரு ஆள காணுறாரு. பட்டு வேட்டி. தங்கமோதிரம். கழுத்தில வைரசங்கிலி. எண்டு படு அமர்க்களம்.( இப்ப எல்லோரும் அப்படிதான். ஆனா பாட்டு எழுதப்பட்டது 2007.) அவர பாத்ததும் கந்தையா யோசிச்சாரு. திடீரென பொறி தட்டியது... அட நம்ம அம்பலத்துநாதன்... கிட்டப்போய்......

(செம்பருத்திப்பூவே செம்பரத்திபூவே பாடல் மெட்டில்)

செம்பருத்தி பூவே உண்மையான பாடல்...


அம்பலத்துநாதா அம்பலத்துநாதா
ஒன்றாய் பள்ளி போனோம் நினைவில்லையா?
என்னையறியாமல் ஜேமனுக்கு போனாய்.
போடருக்குள் நுழைந்தாய் நினைவில்லையா?
உன்னை சுத்தி சுத்தி வந்தேன் நினைவில்லையா
என்னை சுத்தமாக மறந்தேன் நினைவில்லையா?
அதை சொல்லத்தான் நினைக்கின்றேன் நான்
சொல்லாமல் தவிக்கின்றேன்.... (அம்பலத்து)

பாட்ட கேட்டதும் அம்பலத்தாருக்கும் பொறி தட்டியது..

(அதே மெட்டில்)
நீயென்ன சொல்வது நானறிவேன்.
நான் என்ன சொல்வது நீயறிவாய்.
நானென்ன சொல்லவந்தேன்.
நெஞ்சில் என்ன அள்ளி வந்தேன்
இந்த கடவுள் தான் அறியும்.
ஊருக்குள் என்ன சொல்ல வந்ததெண்டு
கந்தையா உனக்கென்ன தெரியாதா?
ஓஓ...... அடியா நொருக்கா தெரியவில்லை.
பிடித்தால் சிறையா புரியவில்லை.
அதை சொல்ல தான் நினைக்கின்றேன்.
நான் சொல்லாமல் தவிக்கின்றேன்.

என்ன நடந்தது தெரியுமா???

ஒண்ணா படிச்ச காலத்தில ஒருமுறை அம்பலத்தார் பள்ளிக்கூடத்தின்ர ஓட்ட பிரிச்சு உள்ள இறங்கி பள்ளிக்கூட ரேடியோவ திருடிற்றான். அத எடுத்து கொண்டு ஓடும் போது அதிபர் கண்டுட்டார். அப்ப கந்தையா முன்னால வர அவனிட்ட ரேடியோவ குடுத்திட்டு ஓடிற்றான் அம்பலத்தார். கந்தையா ரேடியோவோட நிக்கிறத பாத்து அம்பலத்தாற்ற கூட்டாளி தானே கந்தையா என்டு அவன போட்டு அடிச்சு உதைச்சு விசாரண அது இது எண்டு விசயம் பெரிசாகிப்போச்சுது. அந்தநேரம் அம்பலத்தார் அண்டைக்கு ஓடின ஓட்டம் கொழும்புக்கு போய் அங்க இங்க ஆக்கள பிடிச்சு ஜேமனுக்கு போய்ற்றாரு. இப்ப தான் வந்திருக்கிறாரு.
-----------------------------------------------------------

சரி சரி சாமி வடக்கு வீதிக்கு போய்ற்றார் எண்டு நான் வந்திட்டன். பிறகு என்ன நடந்தது எண்டு தெரியல. இன்னொரு தரம் அவயள பாத்தா நடந்தது என்னனு கேட்டு சொல்லுறன்.


ஆக்கம்-- க.சௌந்தரராஜன். கொப்பி பேஸ்ட் வேண்டாம்... இன்னும் வில்லுப்பாட்டு வரும்...

 தமிழ்10  - தமிழ் செய்திகள் , இணைய வானொலிகள் , தொழில்நுட்பம் ,  இன்னும் நிறைய ......

0 comments: